கொள்கைகள்

இந்தியா முழுவதும் விவசாயமே பெரும்பான்மையாக நம் மக்களின் முக்கியமான தொழிலாக உள்ளது. அந்த தொழிலை தற்போது வரை செயற்கை உரங்கள் மற்றும் ரசாயனம் கலந்த விதைப் பொருள்கள் கொண்டு விவசாயம் செய்வதினால், இந்தியா முழுவதும் உள்ள மக்களின் நிலைமை எண்ணற்ற நோய்களுடன் வாழக்கூடிய உணவாக விவசாயம் மாறிவிட்டது.

இந்த நிலைமை மாற வேண்டுமானால், மத்திய மாநில அரசுகளின் துணையுடன் இயற்கை விவசாயத்தை இந்திய மக்கள் செய்து, மக்களின் நோயற்ற வாழ்வாதாரத்தை எதிர்கொள்ள வேண்டிய சூழ்நிலையை உருவாக்க வேண்டும்.

அண்ணா மக்கள் கட்சியின் முக்கிய கொள்கையான இயற்கை விவசாயத்தை முன்னிறுத்தி, அதனை வழிநடத்திட மத்திய மாநில அரசிடம் வலியுறுத்தி போராடி, மக்களுக்காக நோயற்ற வாழ்வை சிறந்ததென தெளிவுபடுத்திட இயற்கை விவசாயத்தினை ஊக்கிவிப்போம்!

நாம் வாழ்கின்ற பகுதியில் உள்ள மண்வளத்தை மற்றும் நீர்வளத்தை பாதுகாப்பது நமது தலையாய கடமை. இந்தியாவில் உள்ள அனைத்து ஏரி குளங்களின் கரைகளிலே பனை மரத்தின் விதையினை விதைப்போம் — அதனால் நீர்நிலைகள் பாதுகாக்கப்படும், மண்வளமும் பாதுகாக்கப்படும்.

மத்திய மாநில அரசுகளின் உதவியுடன் நீர்நிலை உள்ள பகுதியில் பனை மரத்தின் விதைகளை விதைப்போம். "பனை ஆயிரம்" என்ற இலக்கை உறுதி செய்தால், மனிதனின் ஆயுள் காலமும் சிறந்த உணவும் நீண்ட ஆரோக்கியமான வாழ்வும் கிடைக்கும்.

மண்வளம் மற்றும் நீர்வளம் பாதுகாப்பது நமது கடமை என்பதால், அண்ணா மக்கள் கட்சி தொடர்ந்து போராடி இந்தியாவின் இயற்கை வளங்களை காத்து, வரும் தலைமுறைக்கு சிறந்த சூழலை உருவாக்கிடும்.

சுற்றுச்சூழல் மாசுக் கட்டுப்பாடு இந்தியா முழுவதும் திறம்பட செயல்பட வேண்டியது இன்று அவசியமாகிவிட்டது. கிராமங்கள் முதல் பெரிய நகரங்கள் வரை, அந்தந்த பகுதியில் வெளியேற்றப்பட வேண்டிய கழிவுப் பொருட்கள் நீர்நிலைகளிலும் அந்தந்த பகுதியிலேயே சுத்தப்படுத்தாமல் தேங்கியுள்ளன.

மத்திய மாநில அரசுகள் கழிவுகளை அப்புறப்படுத்தி தரம் பிரித்து, இயற்கை விவசாயத்திற்கு உபயோகப்படுத்தவும், இயற்கை விவசாயத்திற்கு எதிரான கழிவுப் பொருட்களை சரியான முறையில் கையாளவும் அண்ணா மக்கள் கட்சி வலியுறுத்தும்.

மாசற்ற இந்தியாவை உருவாக்குவோம் என்ற உறுதியுடன், அண்ணா மக்கள் கட்சி மத்திய மாநில அரசுகளிடம் தொடர்ந்து போராடி வழிநடத்தும். சுற்றுச்சூழல் பாதுகாப்பே வரும் தலைமுறைக்கான நம் கொடை!